ازاى نسجل اكونت فى موقع يوديمي يطريقه سهلة

اولا هندخل على الموقع من هنا: http://bit.ly/2nBtBCp

وهنعمل Sign up كما موضح فى الصوره

بعد كده هيظهرلك المربع ده
ممكن تسجل بايميل " yahoo " أو " gmail " لو مش عندك ايميل - اضغط هنا 

ممكن حد فيكم يكون ناسى البريد الالكترونى بتاعه هيعمل ايه؟
ولا يهمك يا صديقى كل حاجه ليها حل. بدل ما هتدوس على كلمه Sign Up هتدوس على كلمه Login وهيظهرلك الصوره دى

هتسجل باكونت الفيس بوك بتاعك وأظن كلنا عندنا اكونت على الفيس بوك

كده اقولك الف مبروك بقى عندك أكونت على " يوديمى " و كده خلصنا الخطوة الأولى

ندخل فى الجد بقي

2- ازاى تبحث عن افضل الكورسات الاونلاين فى المجال اللى شغوف بيه وعايز نتعلمه؟

هتلاقى فى يوديمي كل ما لذ وطاب من كورسات فى كل المجالات تقريبا زى "البرمجة - بيزنس - ريادة أعمال - تصوير - رسم - تنميه بشريه - محاسبه - لغات - تصميم - تسويق - فتنس ورياضه وجيم - حتى الموسيقي والجيتار وغيره" يعنى ملكش حجه

طبعا أنت لازم تكون محدد حابب تبدا بمجال ايه عشان متوهش وسط كل المجالات دى ومتشتتش نفسك

بعد ما تحدد المجال وعارف انت عايز تدرس وتتعمق فى مجال ايه تبدا تبحث بقى فى كورسات فى المجال ده

تعالي ناخد مثال ان شخص مثلا بيحب التسويق والماركتينج وعايز يبدا يتعلمه ودخل على يوديمى وعمل اكونت يعمل ايه بعد كده؟

زى ما فى الصوره كده، هيروح على مربع البحث ويكتب كلمه "Marketing"

هيظهرلك كل الكورسات المرتبطة بالمجال ده زى الصوره دى

بس زى ما انت شايف فى الصورة 4 مربعات كل واحد فيهم تقدر تحدد انت عايز تبدا عن ايه بالظبط؟

تقدر تبحث من اول المستوى اللى انت عايزه "مبتدأ - متوسط - خبير"

تقدر تبحث بردو عن كورسات باللغة اللى تحبها "انجليزى - عربى - اسبانى .. الخ " بس خد بالك المحتوى العربى قليل جدا يعنى مش هتلاقى عربى فى كل المجالات، فلازم تظبط الانجليزى لانه بقى فرض علينا خلاص

تقدر تبحث بردو عن السعر "مجاني - بفلوس"

تقدر تبحث عن الاشكال المختلفه زى "الكورس يكون بنظام امتحانات - ولا مشاريع .. الخ"

كده احنا خلصنا الخطوة الثانية وهى "ازاى نبحث على الكورسات فى مجالنا"

وهنا يجى دور الخطوة الثالثة و التي تهم ناس كتير

3- ازاى تحصل على كورسات أونلاين مجانا من يوديمي

زى ما فى الصوره كده هنختار فى مربع البحث انه يختار لى الكورسات المجانيه فقط

هيظهرلك كل الكورسات المجانية زى ما فى الصوره كده

4- ازاى تبدأ؟ وتختار الكورسات الاونلاين على اساس ايه؟

بيكون فى اكتر من عنصر لازم ناخد بالنا منه عشان نحدد نبدا بايه.

ومش معنى انه مجانى ان محتواه مش كويس، بالعكس فى كورسات مجانيه كتير جدا والمحتوى فيها محترم جدا.

بس نختار ازاى بين كل الكورسات دى؟

اولا هنبص على التقييم او "Rate" واخد كام من 5 نجوم ؟

ثانيا هنبص عىل عدد الطلبه اللى عملو تقييم للكورس ده. لان ممكن يكون واخد 5 نجوم بس طالب واحد بس اللى عمله تقييم.

لازم يكون عدد الطلبه كتير اللى عملو تقييم وعلى اساسها اختار الكورس .

زى ما فى الصوره كده. أول كورس واخد تقييم "3 من 5" و19 طالب بس اللى عملو تقييم ..

الكورس التانى واخد "4.5 من 5" و حوالى 600 طالب عملو تقييم. يبقى اختار الكورس ده وابدا بيه

5- ازاى نحصل على الكورسات الاونلاين المدفوعة من يوديمي مجانا؟

حد هيقول انا عايز اخد الكورسات اللى بفلوس دى بس مش معايا فلوس اعمل ايه؟

زى ما قلتلك كل حاجه ليها مليون حل . موقع يوديمي  عامل حاجه اسمها "Free Udemy Coupon"

كوبات مجانيه مدفوعه، يمعنى انهم بيكلمو المدرب اللى عمل الكورس، عايزين كوبون للكورس ده مجانا للطلبه ويكون لمده مؤقته جدا ممكن اسبوع بالكتير والكوبون بيخلص

طب نعرف الكوبونات دى أو العروض نزلت امتى وفين؟

فى صفحه على الفيس بوك محترمه جدا اسمها "Best Online Courses " أو صفحة " نادي القراءة العملية"

مصدر